Grup La Pauk bi motatako osasun zerbitzu prebentiboak ematen ditu: formatu txiki, ertain eta handiko ekitaldien estaldura sanitarioa eta autobabeserako planak.
Grup La Pauk esperientzia handia du orotariko ekitaldien estaldura sanitarioan, administrazioek edo erakunde publikoek, enpresek, erakunde pribatuek nahiz partikularrek antolatutako ekitaldietan. Konpainia bere inguruko kirol eta jolas erakundeei hasi zen halako zerbitzuak eskaintzen, esaterako, Badalonako DKV Joventuten partidetan eta Palau Sant Jordin egindako kontzertuetan. Zerbitzu hau sendotzea, lortutako emaitza onak eta lantaldeak jardute eremu honetan profesionalizatzea funtsezko faktoreak izan ziren 2010ean kooperatibak apustu estrategiko bat egitea eta zerbitzu hau bultzatzea erabaki zezan.
Gaur egun, hurbileko orotariko kirol eta jolas ekitaldiak betetzen jarraitzeaz gain, Grup La Pauk autobabeseko eta larrialdi sanitarioak konpontzeko zerbitzuak ematen ditu milaka pertsona biltzen dituzten nazioarteko ekitaldietan, hala nola Primavera Sound, Sonar, Bioritme jaialdia, Circuit Festival, les Santes de Mataro, World Roller Games eta Bartzelonako Apirileko Azokan.
Honenbestez, ekitaldi lokalagoak izan edo jende asko biltzea aurreikusten den ekitaldiak izan, Grup La Pauko profesionalen taldeak baditu beharrezko baliabide teknikoak eta esperientzia luzea ekitaldi mota bakoitzari estaldura sanitario egokiena emateko.
Grup La Pauren ustez, ekitaldien estaldura sanitario eraginkorra kalitate berme handienekin emateko gakoa ekitaldi bakoitzaren inguruneari eta izaerari buruzko ezagutzan eta egokitzapenean datza.
Kooperatiba osatzen duten profesionalen taldeak azterketa lan xehea egiten du ekitaldia egin aurretik, egon daitezkeen arrisku guztiak kontuan hartzeko eta sortzen den premia bakoitzari azkar erantzuteko, bai konponbidea in situ emanda, bai berehala larrialdietara eramanda (hala diagnostikoaren nola ospitaleko tratamenduaren kasuan).
Grup La Pauk ekitaldien estaldura sanitarioko zerbitzu prebentiboa ematen die honako hauei:
Autobabeserako Plana nahitaez bete beharreko dokumentu bat da, 393/2007 Errege Dekretuan xedatuta dagoena. Dekretu horrek autobabesaren arloko oinarrizko araudia ezartzen du larrialdi egoera bat sor dezaketen jardueretan diharduten zentro, establezimendu eta bulegoentzat. Planaren helburua da espazio horretan pertsonetan eta ondasunetan gerta daitezkeen arriskuen prebentzioa eta kontrola finkatzea da, baita larrialdietan jarduteko protokoloa ezartzea ere.
Grup La Paun autobabeserako planak egiteaz arduratzen gara, halako bat behar duen edozein bezerorentzat. Dokumentua bi bloke handitan banatzen da:
Autobabeserako Plana dagokion administrazioan aurkeztu eta erregistratu behar da, eta nahitaez berrikusi behar da hiru urtean behin.
Grup La Pauk honako hauentzat egiten ditu autobabeserako planak:
• Administrazio publikoak
• Osasun arloko mutua pribatuak
• Enpresa pribatuak eta erakundeak
• Partikularrak
